angeloragusa.it

Lu Muru a siccu è tìpicu dî tirrina di li Munti Ibblei.
Custruitu cu ntagghî tagghiati e ncastrati 'n modu ca
si tènunu additta suli, senza usari cimentu.

‘j viru!… ju li viru!
nte mura su assittati
e pàrrunu fra r-iddi
si cùntunu ‘i sò stori.

Dabbanna e mura a siccu
carrui e macci tuorti  
vadduna, casi antichi
e muntagnula ‘i terra.

E quannu tu ci passi
taliecci o cantu e mura
talielli ‘i ciuri ‘i màggiu
ca iddi sunu chissi.

Su’ ciuri ‘i gersumini
su’ rosi bianchi e russi
su’ ciàuru ri terra
su’ petri ‘i mura a siccu
ca pìsunu nto cori.